隨住港版國安法即將在港實施，唔少朋友都想買番個VPN傍身，今次同大家比較一下各大VPN嘅背景同價錢，等大家做個參考。

　　VPN全寫為Virtual private network（虛擬私人網路），可以為你嘅網絡加密並隱藏線上嘅身份，增加網絡私隱。簡單而言亦即是網站不會知道你嘅IP地址（網際協定位址），假如不使用VPN的話，政府只需要向ISP（網際網路服務供應商）索取資料，便能輕易得知你嘅網上紀錄。

　　VPN由於可以隱藏線上嘅身份，因此無論是翻牆、到只限指定國家觀看影片的網站睇片，都可以用得到。VPN還可以使用於網上購物，如不使用VPN，某些購物網會硬性連接香港網站，用VPN便可以解決這問題。

　　即使使用VPN，政府機構仍然有機會從其他途徑獲得你嘅網上紀錄，例如登入網上討論區帳戶，雖然討論區管理者無法得知你嘅IP，但仍然會知道你正在使用討論區，而假如你帳戶裡有你嘅個人資料，就會無法隱藏線上身份。除此之外，VPN公司亦都有不同嘅背景，應小心選擇。

　　另外，VPN亦有被Hack的風險，例如NordVPN過去就承認曾有安全漏洞，令黑客知道部份使用者嘅網上紀錄，因此選擇一間安全性較高嘅VPN商都係非常重要。

　　NordVPN公司總部位於巴拿馬，由於該國並沒有強制性的資料保留的相關法律限制，所以NordVPN承諾不會留存有用戶紀錄檔。NordVPN介面相當其他VPN程式較User-Firendly，1個帳戶最多可以用6台裝置，於59個國家有超過5238個連接點，係現時主流的VPN之一。不過由於NordVPN用戶眾多，因此速度上亦相對其他VPN稍為慢一點。

　　ExpressVPN總部位於英屬維爾京群島，於94個國家有超過3000多個連結點。ExpressVPN以速度快及穩定見稱，VPN嘅應用程式使用亦都非常方便，而一個帳戶最多可以用5台裝置。對於經常需要觀看影片嘅用家而言，ExpressVPN絕對係首選。有未證實傳聞指ExpressVPN其實是香港公司，請自行判斷。

　　Surfshark總部位於英屬維爾京群島，於59個國家有超過1700個連接點。Surfshark每台服務器都設有專用嘅網域名稱系統，並且使用AES-256-GCM加密算法，相比其他VPN更安全360vpn流量卫士是什么。而Surfshark最吸引嘅地方，就係一個帳戶可以畀無限個裝置使用，加上價格便宜，如果想同親朋好友夾份用嘅話，Surfshark就絕對係不二之選。

　　PureVPN於2007年設立，總部位於香港，於141個國家，180個地點擁有750多台自我管理嘅服務器。雖然PureVPN速度快，擁有超過2000台服務器、並且可以一個帳戶支援5個裝置使用，然而由於總部設於香港，加上價格昂貴，因此並不建議各位在香港嘅用家使用。

　　ProtonVPN總部位於瑞士，創辦人為自台灣台南嘅嚴育銓博士。ProtonVPN擁有超過800台服務器，雖然觀看影片暢順，然而如果需要進入中國嘅網站，則較為緩慢。ProtonVPN一個帳戶支援嘅裝置隨住Plan而不同，免費嘅支援一個，而最貴嘅則支援十部。請注意，免費Plan除咗速度較慢之餘，保密性亦會較差，建議各位盡量考慮選擇付費嘅VPN。

　　俗語有句說話：「免費嘅係最貴」。雖然坊間有唔少免費嘅VPN，但免費VPN正如上面所講，除咗較慢之餘亦都無咁安全。例如ProtonVPN嘅免費Plan就無Secure Core去提升VPN嘅保密度，因此並不建議各位將來於香港使用免費嘅VPN。